საინტერესო საიტები - 23 დეკემბერი, 09

Ninite
აქ თავმოყრილია სხვადასხვა სახის პოპულარული უფასო პროგრამები. შესაძლებელია ნებისმიერი მათგანის საიტიდან პირდაპირ კომპიუტერზე დაინსტალება.

Pixlr
ონლაინ გრაფიკული რედაქტორი. აქვს საკმაოდ მრავალფეროვანი შესაძლებლობები.

ანტივირუსი Microsoft-ისგან

Microsoft-ის განცხადებით რამდენიმე კვირაში გამოვა მის მიერ შექმნილი ანტივირუსის ფინალური ვერსია. ანტივირუსი სახელწოდებით Microsoft Security Essentials უფასოდ გავრცელდება. მისი გამოყენება შეეძლებათ Windows 7, Vista-ს და XP-ის მომხმარებლებს.

ეს ძალიან მნიშვნელოვანია სკოლებისათვის. სასკოლო კომპიუტერებზე Windows-ის ოპერაციული სისტემის დაყენებასთან დაკავშირებით ბევრს აშინებს ვირუსების პრობლემა. ალბათ Microsoft-ის უფასო ანტივირუსი გაგვიადვილებს ამ პრობლემის მოგვარებას.

Firefox 3.5

30 ივნისს ფონდ Mozilla Foundation-მა გამოაქვეყნა საკუთარი ბრაუზერის ახალი ვერსია - Firefox 3.5. ბრაუზერის საინსტალაციო ფაილის გადმოწერა შესაძლებელია ამ საიტიდან.







ახალი ვერსია გამოირჩევა შემდეგი მახასიათებლებით:

• HTML 5-ის სტანდარტის მხარდაჭერა
• გაზრდილი სისწრაფე (Firefox 3-ზე ორჯერ უფრო სწრაფია, ხოლო Internet Explorer 8-ზე - სამჯერ სწრაფია)
• ძალიან სასარგებლოა ვებ-გვერდების პრივატული დათვალიერების ფუნქცია

Safari 4

გამოვიდა Apple-ის ბრაუზერის ახალი ვერსია - Safari 4. პირველ სამ დღეში ბრაუზერი გადმოტვირთა 11 მილიონმა ადამიანმა. კომპანიის მტკიცებით Safari 4 ყველაზე სწრაფი ბრაუზერია.

ამ ბრაუზერის მიერ JavaScrip-ის დამუშავების სიჩქარე 8-ჯერ აღემატება Internet Explorer 8 და 4-ჯერ აღემატება Firefox 3.

Internet Explorer 8

Microsoft-მა 19 მარტს გამოუშვა საკუთარი ბრაუზერის ბოლო ვერსია - Internet Explorer 8. ბრაუზერის გადმოწერა შესაძლებელია ამ საიტზე.

ახალი ვერსია გამოირჩევა მეტი სისწრაფით, სტაბილურობით და აქვს გარკვეული ახალი ფუნქციები, მაგალითად, მექანიზმი Web Slices, რომელიც საშუალებას გვაძლევს ჩამოვტვირთოთ ვებ-გვერდის ნაწილი და არა მთლიანი გვერდი.

ბოლო მონაცემებით ბრაუზერების წილი ბაზარზე ასეთია: Internet Explorer - 67%, Firefox - 22%, Safari - 8%, Chrome - 1%, Opera - 0.71%.

Chrome Experiments

Google-მა საკუთარი Chrome ბრაუზერის ახალი ბეტა ვერსიის და Google's JavaScript engine-ის V8 ვერსიის შესაძლებლობების დემონსტრაციისათვის გაუშვა ახალი საიტი Chrome Experiments, სადაც წარმოდგენილია საინტერესო JavaScript აპლიკაციები.

Microsoft-ის ახალი ბრაუზერი

Microsoft-ის ინფორმაციით, მისი ერთ-ერთი კვლევითი გვედანაყოფი შეუდგა სრულიად ახალი ბრაუზერის შექმნას. ამ ბრაუზერის კოდური დასახელებაა Gazelle.
ამ ბრაუზერის მთავარი მახასიათებელი იქნება უსაფრთხოების სრულიად ახალი და გაცილებით უფრო საიმედო სისტემა. დღეისათვის არსებულ არცერთ ბრაუზერს არა აქვს უსაფრთხოების სრული სისტემა. ამ ფუნქციის დიდი ნაწილი მოდის ოპერაციულ სისტემაზე. Microsoft-ის ახალი ბრაუზერი და მისი უსაფრთხოების სისტემა იქნება სრულიად დამოუკიდებელი და იზოლირებული ოპერაციული სისტემისგან. ფაქტიურად ეს იქნება ”ბრაუზერი-ოპერაციული სისტემა”.

Microsoft-ის ეს წამოწყება კიდევ ერთხელ ადასტურებს, რომ ბრაუზერებისადმი ყურადღება ძალიან იზრდება და მომავალში ალბათ ბევრი ახალი იდეა და პროდუქტი იქნება წარმოდგენილი სხვადასხვა კომპანიების მიერ.

ახალი ბრაუზერი - Google Chrome

Web 2.0 ტექნოლოგიების განვითარების კვალდაკვალ გამძაფრდა კონკურენცია ბრაუზერების ბაზარზე. ბრაუზერი ხომ ერთადერთი პროგრამაა, რომელიც საჭიროა Web 2.0 სერვისების უმეტესობასთან სამუშაოდ.

გასული წლის ბოლოს საკუთარი ბრაუზერი, სახელწოდებით Chrome, შექმნა Google-ის გუნდმა. 2009 წლის იანვარში გამოვიდა ამ ბრაუზერის მეორე ვერსია.

Google-ის ბრაუზერი გამოირჩევა სიმარტივით, სტაბილურობით, უსაფრთხოებით და სწრაფი მუშაობით. მას აქვს ისეთი საინტერესო ფუნქციები, როგორიცაა ფორმების ავტომატური შევსება, ვებ-გვერდის ყველა ობიექტის (არა მხოლოდ ტექსტის) გადიდება, შეუზღუდავი რაოდენობის ერთმანეთისაგან დამოუკიდებელი პროფილების შექმნის შესაძლებლობა და სხვა.

Google Chrome-ის გადმოწერა შესაძლებელია საიტიდან http://www.google.com/chrome

ანტიკური რომი Google Earth-ში

Google Earth-ში შესაძლებელია ანტიკური რომის შენობების დათვალიერება. ამისათვის გავუშვათ პროგრამა Google Earth და Layers არეში დავაწკაპუნოთ Ancient Rome in 3D

ვიდეოზე უფრო ვრცლად არის ეს შესაძლებლობა აღწერილი

Firefox 3.0

გამოსულია Firefox-ის მესამე ვერსია.

ბევრი სიახლეა.

ამ სახელმძღვანელოში წარმოდგენილია მესამე ვერსიის ყველა ახალი შესაძლებლობები.

A Field Guide to Firefox 3

Firefox 3.0-ის გადმოწერა