ერთ-ერთ ბლოგში შემხვდა 21 საუკუნის მასწავლებლის დახასიათება, რომელსაც წარმოვადგენ ამ გზავნილში.
21 საუკინის მასწავლებელი უნდა იყოს ადაპტორი. მას უნდა შეეძლოს სასწავლო გეგმისა და მისი მოთხოვნების ადაპტირება ციფრულ რეჟიმში სწავლებისათვის. მას უნდა შეეძლოს ბიზნესისათვის შექმნილი ინსტრუმენტებისა და მოწყობილობების ადაპტირება საგანმანათლებლო ამოცანების მხარდასაჭერად. ჯერ ძალიან მცირეა პროგრამები, რომლებიც სპეციალურად განათლების მიზნებისათვისაა შექმნილი.
მას ასევე უნდა შეეძლოს სწავლების საკუთარი სტილის ადაპტირება ისე, რომ ის მოიცავდეს სწავლის სხვადასხვა მეთოდებს.
21 საუკუნის მასწავლებელი უნდა იყოს ვიზიონერი. შემოქმედებითი ფანტაზია არის გადამწყვეტი თვისება თანამედროვე მასწავლებლისათვის. მას უნდა შეეძლოს სწავლის პროცესის დაკავშირება გარე სამყაროსთან. მას უნდა შეეძლოს კავშირების დამყარება სხვა სფეროებთან და ამით სწავლის გაძლიერება.
21 საუკუნის მასწავლებელს უნდა შეეძლოს თანამშრომლობის და კომუნიკაციის თანამედროვე ინსტრუმენტების გამოყენება, რათა ამით მიმზიდველი გახადოს სწავლა. მისი როლი აქ არის როგორც მოდერატორი, ფასილიტატორი, რეფერი: საუბრების წარმართვა, დისკუსიის ფოკუსირება და საკუთარი მაგალითის ჩვენება.
მასწავლებელმა უნდა იცოდეს როგორ მოახდინოს საუბრის სტრუქტურირება და წარმართვა, ელექტრონული მედია, წყნარ და მორცხვ მოსწავლეებსაც აძლევს საშუალებას მიიღონ მონაწილეობა დისკუსიაში, დებატებში.
21 საუკუნის მასწავლებელს უნდა შეეძლოს რისკზე წასვლა და, თუ საჭიროა, მოსწავლეების უპირატესობის აღიარება ტექნოლოგიების გამოყენების ცოდნაში. მასწავლებელმა საშუალება უნდა მისცეს მოსწავლეებს, რათა მათ ერთმანეთს ასწავლონ.
21 საუკუნის მასწავლებელმა უნდა მისცეს მოსწავლეებს მთელი ცხოვრების მანძილზე სწავლის მაგალითი. მასწავლებელი მუდმივად უნდა აახლებდეს სასწავლო მასალას, სწავლების მეთოდებსა და ინსტრუმენტებს.
მასწავლებელი უნდა ფლობდეს ინსტრუმენტებს, რომლებიც მას აძლევენ კომუნიკაციის და თანამშრომლობის შესაძლებლობას. მას ასევე უნდა შეეძლოს კომუნიკაციის ფასილიტაცია, სტიმულირება და კონტროლი.
მოსწავლეებსა და მასწავლებელს საკმაოდ დიდი დროის მანძილზე უწევთ ურთიერთობა. ამიტომ მასწავლებელი უნდა იყოს ერთგვარი მოდელი იმისა, რასაც მოითხოვს მოსწავლეებისაგან.
21 საუკუნის ყველა მასწავლებელი უნდა გახდეს ლიდერი.
02 September 2008
Subscribe to:
Post Comments (Atom)
Posts
1 comment:
21-ე საუკენეში, ალბათ, მასწავლებლობა უნდა იყოს ერთ-ერთი ყველაზე პრესტიჟული პროფესია.
Post a Comment